【Cebu】宿霧介紹《2》

Photo by wiki

麥丹島北半部為拉布拉布市 ( LAPU-LAPU )，以當初英勇抵抗麥哲倫嘅酋長名命名，宿霧嘅三星至五星級酒店，主要聚集係拉布拉布市海邊。麥丹島有兩條大橋連接宿霧本島，其中1237公尺的大橋更係全菲律賓最長，於1999年8月落成，具體紓解二島之間交通嘅問題。

宿霧沿海有許多海洋度假勝地，其中較豪華嘅度假村設有完善嘅潛水設備及訓練課程，並有滑浪風帆及環島飛行、水上飛翔等設施。其中馬丹島（Mactan Island）度假地點之多更係全宿霧之冠。

以珊瑚聞名嘅麥丹島Mactan Island，令宿霧成為菲律賓最受歡迎嘅觀光勝地主因。除左麥丹島嘅度假村，宿霧四周好多小島都係好好旅遊地點，例如Santander、Moalboal、Malapascua Island及Badlan Island等。四周的海島，盡是色彩艷麗嘅珊瑚、熱帶魚，加上當地交通便捷之故，絕對是潛水最理想場所。

【Cebu】宿霧介紹《1》

Photo by Wiki

宿霧係菲律賓最古老的城市。有『南方皇后之城』美譽之稱，係一個保存其獨特的地方色彩，發展迅速嘅海港城市。

講宿霧，不得不提既就係沙灘同潛水。利用宿霧獨有嘅海水、山谷與山脈地理位置，建立不同嘅休閒設施，因而廣受旅客喜愛。

『宿霧島』呈狹長型，四周環繞了包括麥丹島 (Mactan Island) 的167個小島，當中甚至無人居住，係探險嘅好地方。

宿霧市位於菲律賓『宿霧島』中部，為菲律賓第二大城，距馬尼拉飛行時間一小時。宿霧機場位於宿霧市東面，距市區30分鐘車程。

宿霧市係菲律賓發展最好嘅城市之一，亦都係菲律賓中南部的工商教育中心。五星酒店、會議中心、賭城娛樂場、高爾夫球場及購物中心等亦於此興建。從80%國內貨運公司聚集在此可見其貨運集散地嘅地位。故有「南方皇后之城」的美譽。

【Cebu】精緻雕刻 --- 宿霧遺產紀念碑

Photo by  wildjunket.com

一系列矗立係哥倫街嘅宿霧遺產紀念碑 ( Heritage of Cebu Monument ) 係由著名菲律賓藝術家 Edgardo Castrillo 製作嘅其中一件龐大作品，1994年開始籌備，用左四年時間，將菲律賓最重要嘅歷史事件，最具象徵意義嘅時刻同建築遺產整合一齊，於 2000 年峻工，正式開放俾市民及遊客參觀。

宿務遺產紀念碑坐落係歷史悠久的帕里斯區，係西班牙管治時期入面最多宿霧名門貴族居住既地方。紀念碑既位置係當時一座聖施洗約翰教堂，但係1875年, 宿霧教區拆毀教堂。

宿務紀念碑上描繪嘅結構分別有聖嬰聖殿，宿務大都會大教堂，聖施洗約翰教堂，麥哲倫十字架和西班牙大帆船，由混凝土，青銅，黃銅和不銹鋼建成。當中描述嘅場景有Rajah Humabon 既洗禮，聖嬰像遊行，羅馬天主教彌撒，以及麥丹拉普拉普和麥哲倫之間的爭鬥。紀念碑所描繪的人士亦包括已故總統Sergio Osmena Sr.及 Blessed Pedro Calungsod。紀念碑好似一部電影咁將傳奇事迹嘅細節一一呈現係大家眼前，精緻嘅雕刻訴說一個一個小故事，非常值得親臨欣賞。

【Cebu】越黎越細既十字架 --- 麥哲倫十字架

1521 年，麥哲倫為紀念妻子 Queen Juana 以及其他 400 名土著係當地舉行嘅施洗儀式，豎立左呢個十字架 ( Cross of Magellan ) 黎紀念此盛事。亦相傳係為紀念第一位菲律賓基督徒的誕生。

photo by   philippineslifestyle.com

麥哲倫十字架，標誌住西班牙國王將菲律賓殖民化。時至今日，有不少當地人相信十字架嘅神聖力量，能夠保平安。所以有不少人偷偷削去十字架嘅皮，一片片來服食，認為能治百病，令古物受損。當地政府為左保護呢個咁有歷史價值既十字架，興建左一座小教堂叫“kiosk”，並以Tinadalo 木打造左一個空心外框放置十字架，可見十字架既重要性。
所以真正既十字架依家睇唔到。不過六角形小教堂上方嘅天花壁畫，仍保留當年嘅原貌，色彩繽紛的油畫亦反映出當年施禮的盛況。

今時今日當地朋友仍然非常信奉尊重呢個具有歷史及文化意義嘅十字架。每逢星期日嘅早上，有不少既朋友會帶香燭到黎祈求平安。


地址：Juan Luna Street, Cebu City, Cebu
開放時間：09:00-19:00

【Bohol】巨人戰場 --- 朱古力山

朱古力山係薄荷島 ( 保和島 )好有名嘅奇景。係觀景台會見到1268座小山丘，山丘為30-50米高，並且差唔多樣。千幾個山丘平時被青草覆蓋，係乾季嘅時侯，佢地就會變成朱古力色。

傳說話古時有兩個巨人嘈交，用石頭互相投擲，巨石一個一個掉係地上面，形成左數以千計嘅山頭。最後佢地太攰，就咁留低呢個戰場決定和好離開。

另一個講法係一個浪漫愛情故事。巨人阿拉貢愛上鄉村女孩阿洛亞，阿洛亞死後，阿拉貢好傷心。最後喊出黎既眼淚化成一座座既山丘。


最後一個講法係從地質學角度睇，個島由海升上黎，經過由上千年嘅雨水對地上貝殼，珊瑚岩層以及不透水土層沖刷而成。

不論邊一個講法，只要到達位於朱古力山遊覽中心嘅觀景山頂，就可以置身於山群，觀賞朱古力山。


朱古力山 - [ Chocolate Hill National Monument ]
  
地址：Carmen-Sagbayan-Bacani Road, Sagbayan, Bohol, Philippines
網址：www.chocolatehills.net/

【Cebu】燒不毀的木像 --- 聖嬰大教堂

photo from cebuarchdiocese.ph/basilica-minore-del-santo-nino/

聖嬰大教堂係宿霧最有名嘅天主教堂，1740年重建，至今已有200多年歷史。大家只要順住麥哲倫十字架後方行，穿過拱形門口，就會見到外牆為灰白色的教堂。

裡面有一個聖嬰木像。不少信徒都會專誠到訪，係聖嬰像前禱告。每年一月嘅最後一個禮拜日係聖嬰節，會有盛大嘅慶祝儀式。

聖嬰像係麥哲倫送俾尊娜皇后嘅禮物。教堂有一次發生大火，聖嬰像竟然絲毫無損，於是被認為係神蹟顯靈，從此菲律賓人視為聖物。聖嬰教堂內重有一個許願池，聽講能夠治百病。每個星期日早上，大批男女老少，都會走進聖嬰大教堂，大排長龍，向玻璃罩中的木造聖嬰像告解，去池邊誠心祈禱。在教堂附近一帶，有不少售賣聖嬰像嘅小攤檔。據說不同顏色嘅聖嬰像會帶來不同運氣。紅色代表福氣；綠色代表財運；黃色則代表愛情。

聖嬰大教堂 - [ Basilica Minore del Santo Niño ]

地址：Juan Luna Street,Osmena Boulevard, Cebu City, Cebu

網址：www.basilicadelsantoninodecebu.org.ph/

【Bohol】尤達大師 --- 眼鏡猴

薄荷島( 保和島 )上面有一種全世界最細小嘅靈長類動物，叫做---眼鏡猴 ( Tarsier )，又被稱為「世界上最小的猴子」。每隻只有3-4吋，大細同人類嘅拳頭差唔多大，全身毛都係紅褐色。

菲律賓及薄荷島政府積極與民間合作復育眼鏡猴並立法保護，成立供人參觀並了解眼鏡猴生態的保護區。鑑於菲律賓眼鏡猴屬於瀕臨絕種動物，眼鏡猴接待中心已經開始進行繁殖項目。

有人話電影裡面外星人都係參考佢，究竟有幾多好萊塢科幻電影搵佢做靈感來源就真係唔知喇。不過佢細細隻，可以跳到5米高，個小腦袋可以旋轉接近360度，耳仔可以跟發聲既地方轉動，兩隻大眼按比例計，大過我地人類對眼150倍。唔怪得傳聞佢就係星際大戰裡面絕地武士尤達大師既藍本。


菲島國寶 - [ 眼鏡猴遊客接待中心 Tarsier Visitors Center ]

地址：14 Canapnapan | km.14, Canapnapan, Corella, Bohol, Corella 6337, Philippines
開放時間：0900 – 1600
建議參觀時數：1小時
網址：www.tarsierfoundation.org